អន្តរជាតិ៖ ប្រជាជនទុយនីស៊ីកាលពីថ្ងៃអាទិត្យ ទី១០ ខែមេសា បានតវ៉ាប្រឆាំងនឹងប្រធានាធិបតី Kais Saied ដោយចោទប្រកាន់គាត់ថា «ជនផ្តាច់ការ» បន្ទាប់ពីគាត់បានរំលាយសភាកាលពីខែមុន។

វិបត្តិនយោបាយក្នុងប្រទេសកាន់តែតានតឹងកាលពីខែមុន នៅពេលដែលសមាជិកសភាជាងពាក់កណ្តាលបានបើកសម័យប្រជុំតាមអ៊ីនធឺណិតដើម្បីលុបចោលក្រឹត្យរបស់លោក Saied ។

សមាជិកសភាជាច្រើននាក់បានចូលរួមក្នុងការតវ៉ាកាលពីថ្ងៃអាទិត្យ ដោយក្រុមអ្នកតវ៉ាបានស្រែកថា៖ «ប្រជាជនចង់ផ្ដួលរំលំរដ្ឋប្រហារ»។

គណៈប្រតិភូមកពីសភាអឺរ៉ុប នឹងធ្វើទស្សនកិច្ចនៅទុយនេស៊ីនៅថ្ងៃចន្ទនេះដើម្បីជំរុញឱ្យមានការវិលត្រឡប់នៃលទ្ធិប្រជាធិបតេយ្យដែលបានបង្កើតឡើងបន្ទាប់ពីបដិវត្តន៍ឆ្នាំ២០១១ ដែលបានបញ្ចប់ការគ្រប់គ្រងស្វ័យភាពរបស់អតីតប្រធានាធិបតី Zine El Abidine Ben Ali ។

លោក Saied ដែលបានកាន់កាប់អំណាចនៅពាក់កណ្តាលឆ្នាំមុនបានច្រានចោលការចោទប្រកាន់ទាំងនេះ ហើយបាននិយាយថាគាត់នឹងធ្វើការពិភាក្សាលើកំណែទម្រង់នយោបាយ។

លោក Saied ធ្លាប់បាននិយាយថា លោកនឹងបង្កើតគណៈកម្មាធិការមួយដើម្បីសរសេររដ្ឋធម្មនុញ្ញឡើងវិញ ដាក់វាឱ្យធ្វើប្រជាមតិនៅខែកក្កដា និងបន្ទាប់មករៀបចំការបោះឆ្នោតសភានៅខែធ្នូ។

បច្ចុប្បន្នគណបក្សធំៗពីររបស់ប្រទេសទុយនីស៊ីគឺ Ennahda និង Free Constitutional បាននិយាយទាំងពីរថាពួកគេនឹងប្រឆាំងផែនការទាំងនោះ៕